Preguntes freqüents

• Què és La Meva Salut i què hi puc trobar

  • Què és La Meva Salut?

    La Meva Salut ei un espaci personau de salut digitau que permet accedir ara informacion de salut e a diuèrsi servicis, hèr consultes as professionaus e corsar es formalitats de manèra simpla, segura e confidenciau.

  • Què hi puc trobar?

    En La Meva Salut, i pòdes trobar era tua informacion de salut procedenta dera atencion que t’an rendut enes centres sanitaris deth Sistèma Sanitari de Catalonha, coma:

    • diagnostics
    • medicaments prescriti e eth plan de medicacion en vigor
    • vaccins e de d’autes immunizacions administrades
    • repòrts de nauta d’admission enes espitausrepòrts d’urgéncies
    • repòrts des mètges e metgesses especialistes en relacion damb es tues pròves e intervencions
    • repòrts de laboratòri (resultats de analisis) e de d’autes pròves
    • imatges medicaus (RX, TAC, etc.) 

    Tanben i pòdes consultar:

    • Es cites entà visites e pròves qu’ages programades.
    • Es tòns qüestionaris de salut.
    • Era informacion sus es listes de demora a on figures. Eth document de volontats anticipades, se l’as creat e enregistrat.
    • Era informacion entà hèr-te donador d’organs e era tua carta de donador.
    • En cas que sigues en tot demorar ua intervencion cirurgicau, tanben poderàs consultar:
    • Era data der includiment ena lista.
    • Era data de prevision dera operacion.
    • Era mejana de temps de demora deth centre entad aguest tipe d’intervencion.
    • Eth temps de demora garentit peth Servici Catalan dera Salut entad aguesta intervencion o eth tèrme de referéncia, segons eth cas.

    La Meva Salut dispause de diuèrsi servicis de salut digitau, coma per exemple demanar cita o manar ua consulta as professionaus dera equipa d’atencion primària a trauès der eConsulta.

    S’entres en web de La Meva Salut damb certificat digitau poderàs consultar era tua istòria clinica digitau deth Sistèma Nacionau de Salut e descargar eth tòn resumit de pacient europèu e de d’auti documents.

  • D'on surten les dades de La Meva Salut?

    Quan es professionaus sanitaris introdusissen donades ena tua istòria clinica deth centre a on t’atien, es donades mès importantes s’incorpòren a un repositòri de donades e, mejançant un sistèma automatizat, se publiquen ena tua istòria clinica compartida (HC3) e les pòdes consultar en La Meva Salut.

    Ath delà, La Meva Salut mòstre donades de d’autes registres e servicis especializadi, coma es deth sistèma de gestion de listes de demora o es des registres de documents de volontats anticipades.

  • Què és la història clínica compartida a Catalunya (HC3)?

    Ei ua airina deth Departament de Salut dera Generalitat de Catalunya a on s’incorpòren es donades mès remercables sus era salut d’ua persona. Es professionaus sanitaris, prealabla acreditacion e autorizacion, pòden compartir e consultar era informacion der istoriau clinic des persones qu’atien, a compdar des diferenti espitaus e centres d’atencion primària. D’aguesta manèra s’evite era repeticion de pròves o auer de demanar repòrts se te mudes de localitat.

  • Per què, si he seleccionat visualitzar La Meva Salut en una llengua, no tot m'apareix en la llengua que he triat?

    Solament se pòden visualizar ena lengua escuelhuda es contenguts pròpris de La Meva Salut. Era informacion que s’obten deth sistèma de salut se mòstre ena lengua en que s’a generat.

• Com entrar a La Meva Salut

  • Qui pot entrar a La Meva Salut?

    Pòden entrar en La Meva Salut es persones de 16 ans o mès qu’agen era carta sanitària individuau (TSI). An de dispausar d’un sistèma d’identificacion digitau, que pòt èster:  

    • idCAT Mòbil
    • senhau personau que cau demanar presenciaument en centre d’atencion primària (CAP)
    • certificat digitau (solament entà accedir ath web lamevasalut.gencat.cat)

    Es pairs o mairs o representants legaus pòden auer accès a La Meva Salut des sòns hilhs e hilhes e persones tutelades. S’a de demanar en centre d’atencion primària (CAP).

  • Què he de fer per entrar a La Meva Salut?

    Pòdes entrar en web lamevasalut.gencat.cat o descargar-te era app de La Meva Salut.

    Ena version web i a tres sistèmes d’identificacion:  

    • Senhau e document d’identificacion personau (DNI/NIE/passapòrt) o còdi d’identificacion personau (CIP), qu’apareish ena carta sanitària individuau (TSI).
    • idCAT Mòbil.
    • Certificat digitau e còdi d’identificacion personau (CIP).

    Ena app pòdes identificar-te damb senhau o damb idCAT Mòbil.

    S’entres en web de La Meva Salut damb certificat digitau, poderàs consultar era tua istòria clinica digitau deth Sistèma Nacionau de Salut e descargar eth tòn resumit de pacient europèu e de d’auti documents.

  • Com puc sol·licitar la contrasenya per entrar a La Meva Salut?

    Pòdes demanar eth senhau presenciaument en centre d’atencion primària (CAP), a on t’as d’acreditar damb eth tòn document identificatiu (DNI, NIE o passapòrt) e damb era tua carta sanitària individuau (TSI).

    Un viatges t’ages acreditat corrèctament se meterà en marcha eth sistèma de generacion de senhau. Receberàs:

    • Un corrèu electronic damb instruccions e un ligam tara pagina a on t’as de crear eth senhau.
    • Un messatge SMS ath telefon mobil damb un còdi qu’auràs de besonh en procès de creacion de senhau.

    Te cau seguir aguesti passi:

    • Introdusís eth tòn document identificatiu (DNI, NIE, passapòrt o CIP). 
    • Cree eth tòn senhau, qu’a de èster de 8 digits aumens (a de contier, aumens, ua letra majuscula, ua letra minuscula e un numèro). En cas que non sigue atau, eth sistèma t’avertirà qu’eth format ei incorrècte.
    • Introdusís tanben eth còdi qu’as recebut en un messatge SMS ath telefon mobil.

    Eth igam e eth còdi an ua validitat de 4 dies.
     

  • Què he de fer si no creo la meva primera contrasenya abans de 4 dies?

    S’an passat mès de 4 dies dempús que receberes eth corrèu electronic e eth messatge SMS e non t’as creat eth senhau, te calerà demanar que te les tornen a manar.

    Se manties era madeisha adreça de corrèu electronic qu’indiquères en moment de sollicitar eth senhau, pòdes telefonar ath 061 Salut Respon e demanar que te tornen a manar eth corrèu electronic e eth messatge SMS damb eth còdi. En cas que te calgue modificar quauqua donada de contacte, te calerà demanà’c ath CAP.

  • Què he de fer si m'ha caducat la contrasenya que tenia?

    Eth senhau entà entrar en La Meva Salut acaduquís ath cap d’un an. Quinze dies abans qu’acaduquisque, quan entraràs en La Meva Salut, se mostrarà un avertiment qu’indique es dies mancants entà agotar aguest tème. Se ja a passat er an e a acaduquit, te calerà regenerar senhau. (https://lamevasalut.gencat.cat/web/cps/cps-regenera-clau)

    Pòdes demanar era regeneracion deth senhau enes casi següenti:

    • Se non lo creères peth prumèr còp quan receberes eth corrèu electronic e eth còdi per SMS.
    • Se ja dispauses de senhau, mès no te’n brembes.
    • S’eth senhau a acaduquit.

  • Què he de fer si no recordo la contrasenya?

    S’as desbrembat eth tòn senhau, as de generar-ne un de nau.

    Pòdes demanar era regeneracion deth senhau enes casi següenti:

    • Se non lo creères peth prumèr còp, quan receberes eth corrèu electronic e eth còdi per SMS.
    • Se ja dispauses de senhau, mès non te’n brembes.
    • S’eth senhau a acaduquit.

  • Com puc canviar la contrasenya?

    Pòdes modificar eth senhau ena seccion “Donades personaus”. 

  • No he rebut el codi per entrar amb contrasenya, què puc fer?

    Eth telefon ath quau s’envie eth SMS ei eth telefon que cònste enes tues dades de contacte de notificacions de La Meva Salut. Se non as recebut eth còdi, des dera madeisha hièstra emergenta pòs demanar-ne un reenviament.

    Se demanes eth reenviament e non recebes eth SMS damb eth còdi, dilhèu ei perque eth tòn telefon de contacte non ei actualizat. Ena hièstra emergenta se mòstren es tres darrèrs digits deth numero de telefon qu’as registrat. S’eth telefon non coincidís, l’as d’actualizar entrant en La Meva Salut damb un aute sistèma d’identificacion (idCAT Mobil o certificat digitau/DNIe) o presenciaument en CAP.

  • Què passa si esgoto tots els intents de reenviament del codi quan entro amb contrasenya?

    Un viatge acabadi toti es essagi, aguesta foncionalitat se bloquege pendent ua ora. Pòs tornar a demanar un nau còdi quan agi passat ua ora des deth darrèr reenviament.

  • Puc entrar d’una altra manera a La Meva Salut si es bloqueja el meu accés amb contrasenya?

    Se, pòs utilizar es auti sistèmes d’identificacion admetudi entà entrar en La Meva Salut: idCAT Mòbil (en web e ena app) o certificat digitau/DNIe (sonque en web).

  • Què he de fer si el certificat digital és correcte, però, quan introdueixo el codi d'identificació personal (CIP), apareix un missatge d'error?

    En aguest cas, non i a coïncidéncia entre eth tòn DNI deth certificat e eth DNI o sistèma d’identificacion qu’empleguères quan te dères de nauta entà demanar era prumèra carta sanitària individuau (TSI). Ei a díder, figures en registre centrau de persones acreditades deth Servici Catalan dera Salut (RCA) damb un document identificatiu diferent deth tòn certificat digitau. Te calerà anar tath centre d’atencion primària (CAP) entà actualizar es donades deth tòn DNI.

  • Puc sol·licitar l’accés a La Meva Salut d’altres persones?

    Es pairs, es mairs e es persones que siguen tutores legaus pòden demanar auer accès ath perfil des sòns hilhs e hilhes menors. Ac an de demanar presenciaument ath centre d’atencion primària (CAP). Concrètament, pòdes sollicitar er accès a La Meva Salut de:

    • Hilhs, hilhes e persones tutelades menors de 18 ans.
    • Persones de qui sigues responsable legau.

    Cau tier en compde qu’era majoritat d’edat sanitària comence tàs 16 ans. Pr'amor d’açò, entà accedir a La Meva Salut des hilhs, hilhes o persones tutelades de 16 e 17 ans, cau compdar tanben damb eth sòn consentiment. Eth madeish dia que hèn 18 ans ei eliminat automaticament er accès de d’autes persones as sòns perfils.

  • Puc demanar l'accés a La Meva Salut del meu pare, mare o familiar que és molt gran?

    Non, er accès ei personau e intransmissible. Solament lo pòdes sollicitar se dispauses deth document qu’acredite que n’ès eth responsable legau.

  • Els pares, les mares o els representants legals poden accedir a La Meva Salut dels menors d'edat?

    La Meva Salut permet accedir ar espaci de salut des hilhs e hilhes menors e des persones des quaus se sigue responsable legau. S’a de demanar presenciaument en centre d’atencion primària (CAP) e portar era documentacion identificativa, era carta sanitària individuau (TSI) de qui ac sollicite e era deth menor, e eth libre de familha o document que demòstre era responsabilitat legau.

  • Puc demanar l'accés a La Meva Salut dels meus fills i filles per a la meva parella?

    Non, era formalitat ei personau; pairs, mairs o responsables legaus an de hèr era sollicitacion ath centre d’atencion primària (CAP) de forma individuau.

  • Podem tenir accés a La Meva Salut dels meus fills i filles la meva parella i jo alhora?

    Òc. Pòden accedir-i es pairs, es mairs o es persones que siguen tutores legaus.

  • Puc mantenir l'accés a La Meva Salut dels meus fills i filles més enllà dels seus 18 anys?

    Non, eth sistèma informatic n’eliminarà eth tòn accès automaticament eth dia que hèsquen 18 ans.

    Solament poderàs mantier er accès a de d’autes persones adultes s’eth document legau que presentes en moment de sollicitar er accès indique qu’era tua responsabilitat legau non finalize damb era sua majoritat d’edat.

  • Si tinc la potestat parental, puc demanar que treguin l'accés a La Meva Salut dels meus fills i filles a la meva parella, que l'ha perduda?

    Òc. En cas qu’era senténcia de divòrci autrege era podestat parentau a ua des dues persones, qui l’aurà poderà demanar qu’era auta non pogue demanar er accès a La Meva Salut des hilhs e hilhes. Tà hèr-ne era peticion, as d’anar tath centre d’atencion primària (CAP) damb era senténcia fèrma signada peth secretari judiciari.

  • Què passa quan els pares estan separats?

    Mentre non se pèrde era podestat parentau d’un menor, se pòt demanar o mantier er accès ath sòn perfil en La Meva Salut. En cas qu’era senténcia de divòrci autrege era podestat parentau a ua des dues persones, qui l’aurà poderà demanar qu’era auta non pogue demanar er accès a La Meva Salut des hilhs o hilhes.

  • Puc demanar deixar de tenir accés a La Meva Salut dels meus fills o filles?

    Òc. Ac pòdes hèr a compdar dera seccion Donades personaus deth tòn espaci en La Meva Salut o presenciaument en centre d’atencion primària CAP) damb eth tòn document identificatiu (DNI, NIE o passapòrt).

  • Un fill o filla d'entre 16 i 18 anys pot demanar treure l'accés al pare, mare o tutor?

    Òc. Pòt revocar-li eth consentiment e tornar-li a autorizar er accès tanti còps coma volgue, enquias 18 ans. Ac pòt hèr a compdar deth sòn espaci en La Meva Salut o presenciaument en centre d’atencion primària (CAP) damb eth sòn document identificatiu (DNI, NIE o passapòrt).

  • Si tinc cura d’un menor i en té la responsabilitat legal la Direcció General d'Atenció a la Infància i a l'Adolescència (DGAIA), puc demanar l'accés a La Meva Salut del menor?

    Aguesta gestion s’a de hèr dirèctament a trauès dera DGAIA.

  • Puc demanar la contrasenya per al meu fill o filla que ha fet 16 anys i vol entrar al seu espai a La Meva Salut?

    Non. Era formalitat entà demanar entrar damb senhau ei personau. S’eth tòn hilh o hilha a 16 ans o mès, a de corsar era formalitat personaument en centre d’atencion primària (CAP). Cau que pòrte era carta sanitària individuau (TSI) e eth DNI o NIE. Tanben pòt entrar en La Meva Salut en tot identificar-se damb idCAT Mòbil, eth quau se pòt obtier de manèra presenciau en hilat de burèus d’atencion ciutadana (OAC) o per Internet, a trauès d’un formulari digital.

  • Des de quina edat i fins a quina edat poden accedir pares, mares i responsables legals a La Meva Salut dels fills, filles i persones menors tutelades?

    Per çò qu’ei des hilhs, hilhes e persones tutelades menors d’edat, se pòt accedir ath sòn espaci en La Meva Salut enquia que complissen 18 ans. Entre es 16 e 18 ans, s’a de besonh eth sòn consentiment.

    En cas de persones que se n’a era responsabilitat legau, er accès ei permetut dempús dera data dera senténcia judiciària enquiara data que s’i establisque, o enquia que i age ua naua senténcia.

  • Quines persones poden accedir a La Meva Salut dels fills i filles?

    Eth pair, era mair e es persones que n’agen era responsabilitat legau.

  • Els fills i filles de 16 i 17 anys poden saber si els seus pares o tutors accedeixen a les seves dades?

    Òc. Ena seccion "Donades personaus”, pòden veir quines persones i an accès. Tanben a compdar der apartat Consultar es accèssi as tues donades pòden saber qui a accedit ara sua istòria clinica.

  • Soc el responsable legal d'una persona que té accés a La Meva Salut. Puc demanar que l'hi treguin l'accés?

    Solament ac pòdes sollicitar s’as un document legau qu’ac determine atau.

  • Totes les persones que accedeixen a La Meva Salut del meu fill o filla poden veure les consultes i respostes virtuals de l'eConsulta que s'han fet als professionals?

    Òc. Totes es persones que i an accès ven era madeisha informacion.

  • Són necessàries diverses contrasenyes per accedir a La Meva Salut dels menors?

    Non. Eth senhau ei personau e te servís tà entrar en tòn perfil en La Meva Salut. Un viatge qu’ages entrat, damb senhau o damb quinsevolh des sistèmes d’identificacion admetudi, poderàs cambiar e accedir as auti perfils.

• Dades personals

  • Quina diferència hi ha entres les dades de contacte administratives i les de notificacions?

    Cau distinguir entre es donades administratives, que son es que figuren en registre centrau de persones acreditades deth Servici Catalan dera Salut (RCA) e es donades de notificacions de La Meva Salut. Aguestes donades pòden èster diferentes o unificar-se.
    Es donades administratives son:

    • adreça
    • municipi
    • còdi postau
    • numèro de telefon mobil
    • numèro de telefon fix
    • adreça de corrèu electronic

    Es donades de notificacions de La Meva Salut son:

    • numèro de telefon mobil
    • adreça de corrèu electronic

  • Puc modificar les meves dades de contacte?

    A compdar dera seccion “Donades personaus” pòdes modificar eth telefon, era adreça electronica e es donades deth domicili. Se quauqua aute donada dera tua informacion personau non ei corrècta, adreça-te ath tòn centre d’atencion primària (CAP).

  • Puc saber qui ha accedit a la meva història clínica compartida (HC3)?

    Ena seccion “Donades personaus”, a compdar dera opcion “Consultar es accèssi as tues donades”, pòdes saber qui a accedit ara tua istòria clinica.

    Es professionaus sanitaris, prealabla acreditacion e autorizacion, pòden compartir e consultar era informacion der istoriau clinic des persones qu’atien, a compdar des diferenti espitaus e centres d’atencion primària. D’aguesta manèra, s’evite era repeticion de pròves o auer de demanar repòrts se te mudes de localitat.

• Dades de salut per compartir – Blue Button

  • Què són les dades de salut – Blue Button?

    Aguest ei un servici que te facilite descargar donades dera tua istòria clinica en un o diuèrsi fichèrs informatics en un format que te pòt perméter anar tà un centre assistenciau, deth tòn o d’un aute territòri, a on es sistèmes informatics sanitaris deth centre lo poguen daurir e lieger-ne era informacion que conten. 

    En resumit d’istòria clinica, es donades que se recuelhen e codifiquen son es que a mercat era Union Europèa entà toti es sistèmes de salut europèa, qu’establís çò que se nomente resumit europèu de pacient o EPS (pes sigles en anglés d’European Patient Summary). Tanben pòdes descargar de d’autes informacions, coma es nautes espitalères. Progressivament, s’incorporaràn de d’autes donades en format codificat que tanben les poderàs descargar.

  • Què vol dir dades codificades en un format reutilitzable?

    Eth format reutilizable dera informacion compòrte ua melhora qualitativa des estandards de transparéncia pr’amor que permet, d’un costat, qu’es administracions promòiguen era interoperabilitat entre eres, der aute, mès que mès, qu’era societat i ahige valor e n’obtengue beneficis, de diuèrsa natura. Aguest potenciau de generacion de valor partís dera possibilitat qu’aufrís eth format reutilizable d’espleitar es donades objècte d’informacion de salut, damb quinsevolh objectiu licit, mès que mès era reproduccion e era divulgacion de donades entà productes o servicis d’informacion basadi en aguestes donades.

  • Puc visualitzar la informació del fitxer (XML) en un altre format?

    S’artenhes a daurir eth fichèr dirèctament veiràs solament ua codificacion informatica, mès s’utilizes eth tòn mobil e ei d’aqueri que an premanidi espacis de salut que tanben empleguen aguesti estandards, poderàs consultar era informacion que s’a descargat.

  • Com faig arribar el fitxer a altres centres i sistemes?

    Un viatge ages descargat eth fichèr, tu decidisses qué vòs hèr damb era tua informacion. Se la vòs compartir damb un centre assistenciau, un professionau dera salut o un centre de recèrca, solament cau qu’aguesti agen es sistèmes informatics premanidi entà poder liéger fichèrs codificadi segons eth format C-CDA.

• Informes clínics i imatges mèdiques

  • Quins informes es poden trobar a “Informes i resultats”?

    Ena seccion "Repòrts e resultats" se pòden consultar e descargar repòrts clinics diuèrsi coma:  

    • repòrts de nauta d’ua admission espitalèra
    • repòrts d’urgéncies
    • repòrts d’atencion ambulatòria
    • repòrts d’especialitats
    • repòrts de laboratòri (resultats d’analisis, de pròves e exploracions)
    • repòrts de pròves de diagnostic pera imatge
    • repòrts de nauta e baisha laboraus

  • S'identifiquen els autors dels informes?

    Es repòrts tostemp an ua paternitat que se pòt localizar e se ve ena signatura deth document.

  • Quines imatges es poden trobar a Informes i resultats?

    Es imatges de pròves de diagnostic pera imatge, per exemple de pròves de radiodiagnostic coma ortopantomografia, radiografies, ecografies e de d’autes.

  • Es poden descarregar les imatges provinents de proves de diagnòstic per la imatge?

    Non. Es imatges se pòden veir en un visor que se daurís en ua naua hièstra deth navegador.

  • Per què no hi ha els informes d'alta d'un ingrés hospitalari que vaig tenir i sí que n'hi ha de posteriors?

    Se tròbes a mancar quauque repòrt que pogues auer de besonh, ac te cau comentar damb eth centre assistenciau que lo hec e sollicitar que lo publiquen ena istòria clinica compartida; alavetz serà vedibla a compdar de La Meva Salut.

• Vacunes i altres immunitzacions

  • Hi apareixen totes les meves vacunes i immunitzacions?

    S’eth centre assistenciau a on t’atengueren a enregistrat era informacion des vaccins que t’an metut o es qu’as ena tua carta vaccinau, apareisheràn en La Meva Salut. 

    Es diferentes colors damb que se mòstren es dates d’administracion des tòns vaccins e de d’autes immunizacions indiquen era origina dera informacion, que proven de:

    • Qui l’a administrada. 
    • Eth registre hèt a compdar dera tua carta de immunizacions.
    • Çò que tu as dit ath professionau.

• Medicació

  • Què puc trobar al pla de medicació?

    Eth document deth plan de medicacion includís toti es medicaments, productes dietetics e productes sanitaris que s’an prescrit e qu’encara se pòden remassar ena farmàcia. Cau auer en compde que cada medicament o producte que forme part deth plan de medicacion pòt auer un periòde de vigéncia diferenta.

    Informacion qu’includís:

    • eth nòm deth medicament, producte dietetic o producte sanitari
    • eth numèro de prescripcion
    • es indicacions sus com s’a de préner
    • era durada prevista deth tractament
    • eth nòm deth professionau que lo prescriu e eth centre
    • era vigéncia dera prescripcion (enquia quan se pòt anar a remassar ena farmàcia)
    • possibles comentaris adreçadi ara persona qu’a de seguir eth tractament
    • eth còst orientatiu des tractaments que formen part deth plan de medicacion

  • Què és la medicació vigent?

    Era medicacion vigenta includís es medicaments, productes dietetics e productes sanitaris qu’eth professionau de salut a prescrit e qu’encara son laguens deth periòde de vigéncia, ei a díder, eth periòde de temps entath quau s’a receptat era medicacion. Se pòt consultar ena seccion Medicacion, laguens der apartat Medicacion vigenta. 
    Entà cada medicament o producte se mòstre era informacion següenta:
    •    Disponibilitat entà anar a remassar-lo ena farmàcia, que pòt èster ua des opcions següentes:
    o    Se pòt remassar ena farmàcia.
    o    Se pòt remassar ena farmàcia d'ací a ‘x’ dies.
    o    Se pòt remassar ena farmàcia a partir deth dia dd/mm/aa: quan manquen mès de sèt dies entà poder anar a remassar-lo.
    o    Ja s’a remassat ena farmàcia.
    o    Pendent de validar: ei disponible un viatge eth professionau de salut age validat era prescripcion. en un tèrme maximau de dus dies obrants.
    •     Nòm deth medicament, producte dietetic o producte sanitari.
    •    Periòde de vigéncia indicat peth professionau qu’a hèt era prescripcion. 
    Es medicaments vigents que sonque cau préner en cas de besonh se mòstren en un apartat diferenciat. Quan era medicacion dèishe d’èster vigent, se pòt consultar en blòc Medicacion anterior.

  • Què és la medicació vigent en cas de necessitat?

    Era medicacion vigenta en cas de besonh includís es medicaments e d’auti productes qu’eth professionau de salut a prescrit tà que se prenguen sonque se s’an de besonh. Aguesti medicaments o productes encara son laguens deth periòde de vigéncia dera prescripcion, ei a díder, se pòden remassar ena farmàcia se cau utilizar-les.

  • Què passa si no es recull la medicació dins el termini previst?

    Se se supère era data maxima de remassada dera medicacion ena farmàcia (fin de vigencia), e a de seguir damb eth tractament, aguesta ja non se pòt remassar. En aguest cas, cau contactar damb eth centre d’atencion primària tà qu’eth professionau de salut valòre se cau renauir, modificar o arturar eth tractament.

  • Per què a la farmàcia m’han donat un medicament diferent del que apareix al pla de medicació?

    Tot e qu’eth nòm comerciau pòt variar, eth medicament dispensat conten eth madeish principi actiu. Eth farmaceutic o farmaceutica pòt hèr aguest cambi perque eth tractament ei equivalent en composicion e dòsi ath qu’a prescrit eth professionau.

  • Què faig si no apareix cap medicació vigent?

    Se non cònste cap de medicacion vigenta w se cre que n’i aurie d’auer, cau contactar damb eth professionau de salut o damb eth CAP.

  • Per què un medicament té l’estat “pendent de validar”?

    Aguest estat indique qu’eth professionau de salut a hèt era prescripcion, mès encara non s’a completat eth procès de validacion, qu’ei de besonh tà qu’eth medicament o producte sigue disponible ena farmàcia. Un còp s’age validat, se pòt recuélher ena farmàcia e ena ficha deth medicament i apareish er estat “Se pòt remassar ena farmàcia”. Eth tèrme maximau aproximatiu tà que se hèsque era validacion ei de dus dies obrants.

  • On puc consultar la medicació que em van receptar en el passat?

    Ena part inferiora dera pantalha, s’i mòstre er accès entà consultar era Medicacion anteriora: es medicaments, productes dietetics e productes sanitaris que s’an prescrit damb anterioritat e que ja non son vigents. En cas que s’age suspenut ua medicacion qu’encara ei vigent, tanben se mòstre en aguest apartat. Es medicaments o productes se mòstren ordenats per data d’inici de vigéncia, deth mès recent ath mès antic. 
    Cada medicament o producte a ua ficha individuau damb informacion sus eth nòm, eh periòde de vigéncia, com s’auie de préner e eth professionau que lo prescriuec, entre d’autes dades.

    
    Mès qüestions freqüentes sus era recèpta electronica

    Més preguntes freqüents sobre la recepta electrònica

• eConsulta

  • Què és l'eConsulta?

    Er eConsulta ei ua airina de consulta as professionaus de salut que complète era atencion presenciau. Permet manar consultes en quinsevolh moment deth dia e a compdar de quinsevolh dispositiu, damb era possibilitat d’ahiger-i fichèrs annèxi, coma imatges. Eth professionau te responerà d’acòrd damb era disponibilitat dera sua agenda e receberàs ua notificacion per corrèu electronic quan ac harà.

  • Puc utilitzar aquest servei en cas d'urgència?

    Pr’amor non ei un servici en linha, non ei previst entà consultes urgentes o que requerisquen ua responsa immediata. Entad aguest tipe de consultes, cau telefonar ath 061 Salut Respon o anar dirèctament tath centre d’atencion primària (CAP), tà un centre d’urgéncies d’atencion primària (CUAP) o tà un servici d’urgéncies espitalères.

  • Quina identificació veu el professional sanitari, quan li faig una consulta virtual (eConsulta) des de La Meva Salut d'un fill o filla?

    Quan hès ua consulta a compdar de La Meva Salut deth tòn hilh o hilha, eth professionau ve solament eth tòn CIP. Açò vò díder que t’as d’identificar, coma en cas d’ua consulta telefonica: ‘sò eth pair o era mair o eth tutor de...’.

  • Quins informes i certificats puc demanar a través d’eConsulta?

    A trauès deth eConsulta se pòden demanar es repòrts e certificats següenti:  

    • repòrt de salut
    • repòrt de baisha laborau
    • renauiment deth plan de medicacion
    • repòrt entara prestacion ortoprotetica (PAO)
    • sollicitacion de transpòrt sanitari non urgent
    • repòrt de dependéncia energetica
    • repòrt de reconeishença dera situacion de dependéncia e de d’auti repòrts de besonh entath dret a ua prestacion publica

• Voluntats i donacions

  • Qui pot ser donant d'òrgans i teixits?

    Quinsevolha persona ei donadora potenciau, cada viatge qu’en vida non s’age manifestat en contra dera donacion. Es condicions cliniques en moment dera mòrt determinen es organs e teishuts que son valids entath transplantament. En cas de menors d’edat e persones empedides, s’a de respectar era volontat des persones que n’agen era podestat parentau (Lei 30/1979, de 27 d’octobre).

    Per çò qu’ei dera donacion de donador viu, d’acòrd damb era normativa en vigor que preve e regule aguesta possibilitat, se limite a situacions enes quaus poguen demorar-se granes possibilitats d’esqueiguda deth transplantament. En principi, pòt èster donador viu quinsevolha persona adulta e sanitosa compatibla damb era receptora; mès non se pòt desbrembar qu’aguesta situacion tanben compòrte ua seria de risqui, coma quinsevolha operacion cirurgicau.

  • En quines circumstàncies ha de produir-se la mort per poder donar els òrgans i teixits?

    Entà poder donar es organs e es teishuts, eth donador a de morir en un espitau (dempús d’un arrèst irreversible des foncions cerebraus o des foncions cardiorespiratòries, sense que i age possibilitat de recuperacion). Solament d’aguesta manèra se poderà mantier eth còs artificiaument dempús deth moment dera mòrt enquiath dera extraccion des organs e teishuts.

  • Puc modificar la meva decisió?

    Era decision d’èster donador ei reversibla e, se t’ac repenses, pòdes desactivar era opcion que i a en La Meva Salut.

  • Com es respecta la voluntat del donant d'òrgans i teixits després de la seva mort?

    Quan s’a hèt tot aquerò de possible, s’an utilizat toti es mejans entà sauvar era vida d’ua persona e es mètges e metgeses non relacionadi damb es transplantaments confirmen eth caractèr irreversible deth procès, se certifique era mòrt d’acòrd damb es critèris medicaus e legaus establidi en aguesti casi. Un viatge certificada era mòrt, era equipa medicau de transplantaments avalore quini organs e teishuts pòden servir tà guarir de d’autes persones o melhorar-les era salut.

    S’era donacion ei possibla, era persona encargada de coordinar es transplantaments en espitau verifique era volontat exprimida en vida peth donador damb toti es mejans ara sua portada de man, mès tostemp ac consulte ara sua familha, que ei qui a era darrèra paraula.

• Llistes d'espera

  • Puc saber quan m'operaran?

    Pòdes consultar era mejana de temps de demora entath tòn tipe d’intervencion cirurgicau en centre a on l’an de hèr, mès en La Meva Salut non i a informacion personalizada sus era intervencion en concrèt. Tanben pòdes trobar-i ua data dera intervencion, en cas qu’eth centre l’age notificada, e eth tèrme maximau de demora garentit, segons era normativa en vigor.

  • Hi apareixen totes les intervencions quirúrgiques?

    I a totes es intervencions cirurgicaus exceptat des cardiaques e oncologiques. Ath delà d’açò, se t’as transferit a un aute centre, pòt èster qu’era intervencion non se mòstre s’eth centre d’origina a hèt era comunicacion de baisha e eth nau centre encara non n’a hèt er includiment en registre dera lista de demora.

  • Què he de fer en cas de dubte o desacord amb aquestes dades?

    Te cau adreçar-te dirèctament ath centre a on te haràn era intervencion.

• Altres qüestions

  • Què he de fer si vull exercir el dret de rectificació?

    Si l'error detectat a les dades que veus a La Meva Salut és de dades personals, de contacte i/o del teu centre i equip d'atenció primària, cal que t’adrecis al teu CAP. Si l'error detectat és a les dades d'informació assistencial, cal que contactis amb el centre assistencial on t’hagin atès.

  • On m’he d’adreçar si tinc algun dubte o em trobo amb alguna incidència tècnica a La Meva Salut?

    Es incidéncies tecniques s’an de comunicar en tot telefonar ath 061 Salut Respon, que se tròbe disponible es 24 ores deth dia, es 365 dies der an.
    En cas qu’ages de besonh restablir o regenerar eth tòn senhau, pòdes hè’c per Internet, en tot telefonar ath 061 Salut Respon e presenciaument enes centres d’atencion primària (CAP) de Catalonha.  

    Entà de d’autes sòrtes d’incidéncies, consultes, queishes e suggestions, pòdes utilizar eth formulari dera boèta de contacte e seleccionar eth tèma “Espaci digitau La Meva Salut”.