Qüestions freqüentes
Qué ei?
Qué ei La Meva Salut?
La Meva Salut ei un espaci digitau personau, de consulta e de relacion, que permet ara ciutadanetat dispausar dera sua informacion personau de salut e de d'auti servicis en linha tà hèr tràmits, consultes o auer cura dera sua salut de forma segura e confidenciau.
Perqué s'a hèt?
La Meva Salut ei un projècte deth Departament de Salut dera Generalitat de Catalonha que met a disposicion des ciutadans era informacion deth sòn istoriau clinic. Aguesta informacion ei proprietat deth ciutadan e aguest l'a d'auer, en tot moment, ara sua disposicion.
Era finalitat ei afavorir era vòsta participacion e corresponsabilitat ena cura dera vòsta salut, conjuntament damb es equipes que vos atien quotidianament. Tanben esdeven ua airina entara milhora dera qualitat dera atencion e promòir er usatge racionau des recorsi sanitaris.
D'a on gessen es dades de La Meva Salut?
Quan es professionaus introdusissen dades enes vòstes istòries cliniques deth centre a on vos atien, mejançant un sistèma automatizat, es dades mès importantes s'incorpòren en un repositòri de dades e se publiquen ena vòsta istòria clinica compartida (HC3) e, des d'aqueth moment, son visibles en La Meva Salut tà que les pogatz consultar.
Qué ei era istòria clinica compartida en Catalonha (HC3)?
Ei ua airina deth Departament de Salut dera Generalitat de Catalonha a on s'incorpòren es dades mès relevantes sus era salut d'ua persona. Es professionaus sanitaris, damb acreditacion e autoritzacion d'auança, pòden compartir e consultar era informacion der istoriau clinic des persones qu'atien, des des diferenti espitaus e centres d'atencion primària. D'aguesta manèra s'evite era repeticion de pròves o auer de demanar informes se cambiatz de localitat.
I figuren totes es dades d'un centre a on m'an atengut?
Se tracte d'un projècte ath quau s'incorpòren progressivament es diferenti centres deth hilat sanitari public, mès encara non ei desplegat en tot eth territòri de Catalonha. Per açò, se pòt dar eth cas qu'eth vòste centre o bèth un des centres a on auetz estat atengudi non i age introdusit encara era informacion.
Com i pogui accedir?
Qui i a accès?
Era persona titulara dera targeta sanitària individuau, que sigue major d'edat e qu'age certificat digitau o qu'age sollicitat era contrasenha en sòn centre d'atencion primària (CAP) a trauès deth formulari web.
Qué è de hèr tà accedir-i?
Tà accedir a La Meva Salut cau eth còdi d'identificacion personau (CIP) dera vòsta targeta sanitària individuau (TSI) e un certificat digitau o ua contrasenha. Podetz demanar era contrasenha presenciaument ath vòste CAP a trauès deth formulari web.
Era inscripcion s'a de demanar des deth formulari web o enes centres d'atencion primària (CAP).
Un còp sollicitada era inscripcion, receberatz un corrèu electronic damb instruccions e un ligam ena plana a on vos auetz de crear era contrasenha. Auetz de seguir aguesti passi:
- Introdusitz eth còdi d'usatgèr (eth vòste DNI o document identificatiu).
- Creatz-vos era contrasenha de 8 digits coma minim (a de contier, aumens, ua letra majuscula, ua minuscula e un numèro). En cas que non sigue atau, eth sistèma vos avisarà qu¿eth format ei incorrècte.
- Introdusitz tanben eth còdi qu'auratz recebut per SMS en telefòn mobil. A ua validitat de 4 dies.
I pogui accedir utilizant dispositius Apple?
Òc, se pòden utilizar dispositius Apple tostemp que se complisque aquerò qu'indique era seccion Requeriments minims. Es certificats oficiaus q'utilize La Meva Salut non son omologadi per Apple e açò pòt provocar que se mòstre un error qu'informe qu'era connexion non ei privada.Totun açò, er accès ei segur damb independéncia qu'es certificats utilizats siguen o non omologadi per Apple.
Qué me cau hèr se non autoregistri era mia contrasenha abans de 4 dies?
S'an passat mès de 4 dies des de que recebéretz aguest corrèu electronic e er SMS e non auetz creat era vòsta contrasenha, l'auratz de regenerar.
Se mantietz era madeisha adreça de corrèu electronic que liurèretz en moment de sollicitar er accès ath vòste CAP, podetz telefonar tath 061 Salut Respon. En cas que volgatz modificar era adreça, auratz de començar de nau es tràmits en CAP.
Qué me cau hèr se m'a caducat era contrasenha?
Era vòsta contrasenha d'accès caduque en un an. L'auratz de renauir.
15 dies abans que caduque, cada dia qu'acceditz damb eth vòste còdi d'usatgèr e contrasenha, se mostrarà un avís informant-vos des dies restants tà agotar aguest tèrme.
Se ja a passat er an e ja a caducat, quan entretz vos demanarà que la renauísquetz.
Qué me cau hèr se non rebrembi era contrasenha?
Se vos auetz desbrembat era vòsta contrasenha, auetz era possibilitat de generar-ne ua de naua.
Coma pogui cambiar o renauir era contrasenha?
Podetz modificar era vòsta contrasenha a Dades personaus.
Qué me cau hèr s'eth mèn accès a estat bloquejat temporaument?
En cas qu'eth vòste accès sigue bloquejat, podetz telefonar tath 061 Salut Respon.
Qué me cau hèr s'eth certificat digitau ei corrècte mès, quan introdusisqui eth còdi d'identificacion personau (CIP), apareish un messatge d'error?
En aguest cas non i a coincidéncia entre eth vòste DNI deth certificat e eth DNI que cònste en Registre centrau de persones assegurades deth Servici Catalan de Salut e auratz d'anar tath CAP a demanar que hèsquen era correccion deth vòste DNI.
Pequé s'è seleccionat visualizar La Meva Salut en ua lengua non tot m'apareish ena lengua qu'è trigat?
Sonque se pòden visualizar ena lengua escuelhuda es contenguts pròpis de La Meva Salut. Era informacion que s¿obten deth sistèma de salut se mòstre ena lengua en qué s'a generat.
Es pairs o representants legaus pòden accedir a La Meva Salut des menors d'edat?
La Meva Salut permet accedir ar espaci de salut des hilhs e hilhes e des persones des quaus se sigue responsable legau.
Accès a LMS des hilhls o des persones des quaus sò responsable legau
De qui pogui sollicitar accès a La Meva Salut?
- Des hilhs menors de 16 ans.
- Des hilhs entre 16 e 18 ans, damb era sua autorizacion.
- Dera persona dera quau sò responsable legau.
Ja è accès a La Meva Salut; entà demanar er accès a LMS des mèns hilhs è d'anar tath CAP?
Pòs demanar era inscripcion facilament a trauès deth formulari web o enes centres d'atencion primària(CAP).
Non è accès a La Meva Salut; tà accedir a LMS des mèns hilhs è de demanar er accès tà jo?
Òc, tà entrar en La Meva Salut des hilhs ei imprescindible disposar d'un accès ara vòsta.
Entri en LMS damb certificat digitau; tà demanar er accès a LMS des hilhs, è d'anar tath CAP?
Òc, e auetz de portar era documentacion següenta: era vòsta TSI, eth DNI o NIE e era TSI des vòsti hilhs o es documents que vos acrediten coma responsable legau.
Pogui accedir a La Meva Salut damb certificat digitau e damb contrasenha?
Òc, se pòt auer certificat digitau e contrasenha. Quan i accedísquetz auratz d'escuélher damb quina des dues autentificacions ac voletz hèr.
Pogui demanar er accès a LMS des hilhs tara mia parelha?
Non, eth tràmit ei personau; quinsevolh des progenitors o responsables legaus a de hèr eth tràmit de forma individuau..
Podem auer accès a LMS des hilhs era mia parelha e jo ath viatge?
Òc, i pòden accedir andús progenitors e totes es persones qu'exercissen de tutors legau d'ua persona.
Pogui mantier er accès a LMS des mèns hilhs mès enlà des 18 ans?
Non, eth sistèma informatic vos n'eliminarà er accès automaticament. Sonque lo poderatz mantier s'eth document legau que presentatz en sollicitar er accès a LMS de ua auta persona indique qu'era vòsta responsabilitat legau non finalize damb era sua majoria d'edat.
È era potestat parental des mèns hilhs; pogui demanar que trèiguen er accès a LMS des hilhs ara mia parelha, que l'a perduda?
Òc. Tà hèr-ne era peticion, auetz d'anar tath CAP, damb era senténcia fèrma signada peth secretari judiciau.
Qué passe quan es progenitors son separadi?
Pòden demanar er accès a LMS des hilhs toti dus.
En cas qu'era senténcia de divòrci autrege era potestat parentau a ua des dues persones, era que l'aurà poderà demanar qu'era auta non pugue demanar er accès a LMS dels hilhs.
Pogui demanar deishar d'auer accès ara LMS des hilhs?
Òc, ac podetz demanar en CAP, damb eth vòste DNI o NIE.
Pogui veir era informacion d'un hilh qu'a morit?
Non, e non se pòt demanar mantier-i er accès.
Un fill d'entre 16 i 18 anys pot demanar treure l'accés a un pare/mare o tutor?
Sí, pot revocar-li i tornar-li a autoritzar l'accés tantes vegades com vulgui i ho pot fer des de La Meva Salut o anant a demanar-ho al CAP.
M'encuedi d'un mainatge, mès n'a era responsabilitat legau era Direccion Generau d'Atencion ara Enfança e ara Adolescéncia (DGAIA); poderè demanar-ne er accès en LMS?
Non.
Pogui demanar er accès a LMS deth mèn pair, mair o familhar qu'a ua edat auançada?
Non, er accès ei personau e intransferible. Sonque lo podetz sollicitar se disposatz deth document qu'acredite que n'ètz eth responsable legau.
È un hilh que vò accedir a LMS. Quan jo i demana er accès, coma pair, mair o responsable legau, pogui demanar-lo tanben entada eth?
Non, eth tràmit ei personau. S'eth vòste hilh a 16 ans o mès a de hèr eth tràmit personaument en CAP, portant era TSI e eth DNI o NIE.
È un hilh qu'accedís a LMS; pogui demanar que li trèiguen er accès?
Non, era informacion de LMS ei personau.
Des de quina edat e enquia quina edat pòden accedir pairs, mairs e responsables legaus a LMS des hilhs?
En cas de hilhs menors d'edat, des 0 as 18 ans. Entre es 16 e es 18 ans, s'a de besonh era sua autorizacion.
En cas de persones des quaus s'ei responsable legau, dempús dera data dera senténcia judiciau enquiara data que se i establisque, o enquia que i age ua naua senténcia.
Guaires persones pòden accedir a LMS des hilhs?
Eth pair, era mair e es persones qu'agen era responsabilitat legau.
Es hilhs de 16 a 18 ans pòden saber s'es sòns pairs o tutors accedissen as sues dades?
Òc. Quan demanen accès a LMS, se les informe des persones que tanben l'an demanat e an de dar eth consentiment.
Laguens de LMS i é er enlaç «Tutors autorizadi», a on pòden veir quines persones i an accès; en apartat «Podetz consultar es accèssi as vòstes dades», pòden saber qui i a accedit.
Sò eth responsable legau d'ua persona qu'a accès a LMS. Pogui demanar que li trèiguen er accès?
Sonque ac podetz sollicitar s'auetz un document legau qu'ac determine atau.
Quan accedisca a LMS des mèns hilhs, poderè hèr totes es gestions que pogui hèr damb era mia LMS?
Òc, quan acceditz a LMS des hilhs tot çò que i hetz ei com s'ac hessen es vòsti hilhs o era persona dera quau ètz responsable legau.
Quina identificacion ve eth professionau sanitari, quan li hèsqui ua consulta virtuau (eConsulta) des d'LMS d'un hilh?
Quan hètz ua consulta des de LMS deth vòste hilh, eth professionau veirà solament eth vòste CIO. Açò vò díder que vos auetz d'identificar, coma en ua consulta telefonica: «sò eth pair o era mair o eth tutor de...»
Totes es persones qu'accedissen a LMS deth mèn hilh pòden veir es consultes e responses virtuaus de eConsulta que s'an hèt as professionaus?
Òc, totes es persones que i an accès.
Cau diuèrses contrasenhes, entà accedir a LMS des hilhs?
Non, perque se i accedís damb era vòsta contrasenha.
Quan entretz en LMS damb era vòsta contrasenha (o damb eth vòste certificat digitau), trobaratz eth nòm des persones des quaus auetz accès e auratz d'escuélher en quina LMS entratz, ena vòsta o ena des vòsti hilhs.
Voi entrar en LMS d'un hilh e, dempús, ena de un aute; mès eth sistèma me hè a tornar a entrar.
Òc. Un còp qu'ajatz entrat en LMS d'un hilh, se voletz entrar en LMS d'un aute hilh o ena vòsta, prumèr vos auetz de desconnectar e tornar-i a accedir des der inici damb era contrasenha (o eth certificat digitau).
A guairi hilhs pòt accedir un pair, mair o tutor?
A diuèrsi.
Guairi adults pòden accedir a LMS d'un hilh?
Totes los qu'o sollicitin e siatz acreditats segon los requisits.
Qué i pogui trobar?
Quines dades i a?
I trobaratz era informacion generada pera atencion sanitària prestada en toti es centres assistenciaus publics:
- Des centres d'atencion primària a on auetz estat atengudi:
- diagnostics
- medicaments prescrits deth plan de medicacion actiu
- vacunes (immunizacions) se son enregistrades en centre
- Dera atencion recebuda enes espitaus (en format PDF):
- informes de gessuda d'ingrès
- informes d'urgéncies
- informes des mètges especialistes
- De pròves o intervencions que vos an hèt (en format PDF). Es imatges mediques (RX, TAC, etc.) non s'an includit en La Meva Salut perque cau disposar d'un programari especific tà poder-les visualizar:
- informes de laboratòri (resultats d'analitiques)
- informes de diagnostic tara imatge (radiologia)
- informes de d'autes pròves que vos an hèt
- Tanben i podetz consultar es visites e es pròves programades, era lista de demora en cas que sigatz pendents de sosmeter-vos a ua intervencion quirurgica damb temps maxim de demora garantit e eth document de volontats anticipades, se ja l'auetz registrat, e informacion tà hèr-vos donant d'organs.
- La Meva Salut tanben dispòse de diuèrses airines tà gestionar tràmits e servicis, com per exemple demanar ora, programar visites de vacunes internacionaus e eth servici d'eConsulta (atencion non presenciau s'es professionaus medicaus o d'infirmeria deth vòste centre ja balhen aguesti servicis, dat qu'es centres s'incorpòren paulatinament ena eConsulta).
Pogui trobar es comunicats de baisha laborau?
Es comunicats de baisha laborau sonque les liure eth mètge o metgessa pendent era visita medicau, a partir dera valoracion deth vòste estat de salut. Assistir as visites medicaus ei obligatòri tà poder continuar de baisha.
Mès informacion sus era baisha laborau en Canau Salut
Dades de salut – Blue Button
Qué son es dades de salut – Blue Button?
Aguest ei un servici que te facilite descargar dades dera tua istòria clinica en un o diuèrsi fichèrs informatics en un format que te pòt perméter anar tà un centre assistenciau, deth tòn o de un aute territòri, a on es sistèmes informatics sanitaris deth centre lo poguen daurir e liéger-ne era informacion que conten. En resum d’istòria clinica, es dades que se recuelhen e codifiquen son es qu’a mercat era Union Europèa entà toti es sistèmes de salut europèus, qu’establís çò que se nomente resum europèu de pacient o EPS (European Patient Summary), pes sigles en anglés. Tanben pòs descargar d’autes informacions, coma es altes espitalàries. Progressivament, s'anaràn incorporant d’autes dades en format codificat que tanben les poderàs descargar.
Qué vò díder “dades codificades en un format reutilizable
Eth format reutilizable dera informacion compòrte ua melhora qualitativa des estandards de transparéncia pr’amor que permet, d’un costat, qu’es administracions promòiguen era interoperabilitat entre si e, dera auta, especiaument, qu’era societat i hige valor e n’obtengue beneficis, de diuèrsa natura. Aguest potenciau de generacion de valor partís dera possibilitat qu’aufrís eth format reutilizable d’explotar es dades objècte d’informacion de salut, damb quaussevolh objectiu licit, especiaument era reproduccion e era divulgacion de dades entà productes o servicis d’informacion basadi en aguestes dades.
Pogui visualizar era informacion deth fichèr (XML) en un aute format?
Eth format reutilizable dera informacion compòrte ua melhora qualitativa des estandards de transparéncia pr’amor que permet, d’un costat, qu’es administracions promòiguen era interoperabilitat entre si e, dera auta, especiaument, qu’era societat i hige valor e n’obtengue beneficis, de diuèrsa natura. Aguest potenciau de generacion de valor partís dera possibilitat qu’aufrís eth format reutilizable d’explotar es dades objècte d’informacion de salut, damb quaussevolh objectiu licit, especiaument era reproduccion e era divulgacion de dades entà productes o servicis d’informacion basadi en aguestes dades.
Com pogui hèr a arribar eth fichèr tà d’auti centres e sistèmes?
Un viatge ages descargat eth fichèr, tu decidisses qué vòs hèr damb era tua informacion. Se lo vòs compartir damb un centre assistenciau, un professionau dera salut o un centre de recèrca sonque auràn d’auer es sistèmes informatics premanidi entà poder liéger fichèrs codificadi segontes eth format C-CDA.
Informes clinics
S'identifiquen es autors des informes?
Es informes tostemp an un autor que se pòt localizar, e se ve ena signatura deth document.
Perqué non i son es informes de gessuda d'un ingrès espitalari qu'auí e òc que n'i a de posteriors?
Auetz ara vòsta disposicion e vos podetz descargar es informes que vos an hèt quan vos an prestat atencion sanitària e eth centre les a publicat ena istòria clinica compartida; se ne trobatz a mancar bèth u ei perque ei anterior ath 2008.
Tanben se pòt dar qu'un centre age començat a publicar era informacion ena istòria clinica compartida a compdar d'ua determinada data e sonque i siguen es informes des d'aqueth moment en endeuant. Se trobatz a mancar bèth informe que pogatz auer de besonh, ac auetz de comentar damb eth centre assistenciau que vos ac hec e sollicitar qu'ac publiquen ena istòria clinica compartida e, alavetz, serà visible des de La Meva Salut.
Vacunes
I apareishen totes es vacunes?
S'eth centre assistenciau a on vos atengueren a registrat era informacion des vacunes que vos an metut o es qu'auetz en vòste carnet vacunau, apareisheràn en Era Mia Salut; se non gessen ei perque encara non les an enregistrades o eth vòste centre encara non a comunicat era informacion ena istòria clinica compartida.
E, ena pantalha de vacunes, perqué i a colors diferenti? Qué vò díder cada color?
Es diferenti colors indiquen era origina dera informacion. Eth color verd indique qu'era informacion sus era vacuna proven de qui l'a administrada. Eth blu indique qu'era informacion proven deth registre hèt a partir dera vòsta targeta d'immunizacions. Eth color ròsa proven d'aquerò que cada persona a dit ath professionau eth vermelh correspon a comunicacions d'ua madeisha vacunacion per duplicat (enregistrades per diferenti centres).
Mès informacion sus vacunacions en Canau Salut
Medicacion
Perqué en plan de medicacion i figure un medicament e ena farmàcia me n'an dat un aute?
Eth farmaceutic o farmaceutica pòt cambiar un medicament deth plan de medicacion que vos an prescrit perque eth medicament que vos a dat a eth madeish principi actiu.
Çò qu'ei important deth medicament ei eth principi actiu. Eth nòm comerciau d'un medicament pòt variar segontes eth laboratòri que l'age fabricat mès eth principi actiu ei eth madeish.
Mès informacion sus era recèpta electronica en CatSalut
Qui pòt èster donant d'organs e teishuts?
Quinsevolh persona ei donant potenciau, tostemp qu'en vida non s'age manifestat en contra dera donacion. Es condicions cliniques en moment dera mòrt determinen es organs e teishuts que son valids tath trasplantament.
En cas de menors d'edat e discapacitats, s'a de respectar era volontat des persones que n'agen era pàtria potestat (Lei 30/1979, de 27 d'octobre).
En çò que hè ara donacion de donant viu, d'acòrd damb era normativa en vigor que preve e regule aguesta possibilitat, se limite a situacions enes quaus poguen demorar-se granes possibilitats de succès deth trasplantament. En principi, pòt èster donant viu quinsevolh persona adulta e sana que sigue compatibla damb era receptora, mès non se pòt desbrembar qu'aguesta situacion tanben compòrte ua seria de risqui, coma quinsevolh operacion quirurgica.
En quines circonstàncies s'a de produsir era mòrt tà poder dar es organs e teishuts?
Tà poder dar es organs e es teishuts, eth donant a de morir en un espitau (dempús d'ua arturada irreversibla des foncions cerebraus o des foncions cardiorespiratòries, sense que i age possibilitat de recuperacion). Sonque d'aguesta manèra pòt mantier-se eth còs artificiaument des deth moment dera mòrt enquiara extraccion des organs e teishuts.
Pogui modificar era mia decision?
Era decision d'èster donant ei reversibla e, se vos ac repensatz, podetz desactivar era opcion que i a en La Meva Salut.
Com se respècte era volontat deth donant d'organs e teishuts dempús dera sua mòrt?
Quan s'a hèt tot aquerò possible, s'an utilizat toti es mejans tà sauvar era vida d'ua persona e es mètges non relacionadi damb es trasplantaments confirmen eth caractèr irreversible deth procès, se certifique era mòrt d'acòrd damb es critèris medicaus e legaus establidi en aguesti casi.
Un còp certificada era mòrt, era equipa medica de transplantaments avalore quini organs e teishuts pòden servir tà guarir a d'autes persones o milhorar-les era salut.
S'era donacion ei possibla, era persona que se n'aucupe de coordinar es transplantaments en espitau compròve era volontat expressada en vida peth donant damb toti es mieis ath sòn abast, mès tostemp ac consulte ara sua familha, qu'ei qui a era darrèra paraula.
Mès informacion en Canau Donacion e Trasplantaments
Listes de demora
Pogui saber quan m'auperaràn?
Podetz conéisher era mieja de temps de demora entad aquera intervencion quirurgica en centre que vos ac an de hèr, mès non i a informacion personalizada sus era intervencion en concrèt. Tanben i podetz trobar ua data dera intervencion, en cas qu'eth centre l'age notificada, e eth tèrme maxim de demora garantit, segontes era normativa en vigor
I apareishen totes es intervencions quirurgiques?
I son totes es intervencions quirurgiques a excepcion des cardiaques e oncologiques. A part d'açò, se s'a trasladat tà un aute centre, pòt èster qu'era intervencion non se mòstre s'eth centre d'origina a hèt era comunicacionn de baisha e eth nau centre encara non n'a hèt era inclusion en registre dera lista de demora.
Qué è de hèr en cas de dobte o desacòrd damb aguestes dades?
Vos auetz d'adreçar dirèctament tath centre a on vos haràn era intervencion.
Tràmits
Qué ei eConsulta?
eConsulta ei ua airina de consulta interactiva entre eth ciutadan e eth professionau de salut que complemente era atencion presenciau. Vos permet enviar consultes en quinsevolh moment deth dia e des de quinsevolh dispositiu, damb era possibilitat d'ahíger fichèrs annèxi, com ara imatges. Eth professionau vos responerà e receberatz ua notificacion per corrèu electronic quan ac hèsque.
Com i pogui accedir?
Tà accedir a eConsulta, ac auetz de sollicitar ath vòste professionau medicau o d'infirmeria d'atencion primària, ja que se vos a d'inscríuer en aguest servici. Aguest servici ei en fasa de desplegament enes centres deth territòri catalan. Quan era vòsta equipa d'atencion primària age eth servici disponible, es professionaus vos informaràn en ua des visites presenciaus que hetz en vòste centre.
Pogui utilizar aguest servici en cas d'urgéncia?
En non èster un servici en linha, non ei previst tà consultes urgentes o que requerisquen d'ua responsa immediata. Entad aguest tipe de consultes, podetz telefonar tath 061 Salut Respon o adreçar-vos dirèctaments tath CAP, tà un centre d'urgéncies d'atencion primària (CUAP) o tà un servcici d'urgéncies espitalàries.
Es servicis e tràmits disponibles son es madeishi tà toti?
Es servicis e tràmits disponibles varien segontes eth provedidor sanitari (espitaus, centres d'atencion primària, etc.) que vos correspon en foncion deth lòc a on residitz, maugrat qu'eth CatSalut velhe pera equitat enes servicis e, ara longa, sigatz en centre que sigatz, auratz es madeishi servicis basics en La Meva Salut.
Quins informes i certificats puc demanar a través de La Meva Salut?
A través de l'eConsulta, servei que trobareu a la secció Tràmits i Serveis, es poden demanar els segments informes i certificats:
- Informe de salut.
- Certificat d'assistència.
- Informe de baixa laboral.
- Renovació del pla de medicació.
- Informe per a la prestació ortoprotètica (PAO).
- Sol·licitud de transport sanitari no urgent.
- Informe de dependència energètica.
- Informe de reconeixement de la situació de dependència i altres informes necessaris pel dret a una prestació pública.
- Certificat de situació d'alta al Registre de persones assegurades.
D'autes qüestions
Qué me cau hèr se voi exercir eth dret de rectificacion?
S'er error detectat enes dades que veiguetz en La Meva Salut ei de dades personaus, de contacte e/o deth vòste centre e equipa d'atencion primària, vos auetz d'adreçar tath vòste CAP. S'er error detectat ei enes dades d'informacion assistenciau auetz de contactar damb eth centre assistenciau a on auetz estat atengudi.
A on me cau adreçar s'è bèth dobte o i a bèra incidéncia tecnica?
Vos podetz adreçar tath 061 Salut Respon es 24 ores deth dia, es 365 dies der an. Evitatz utilizar era enquèsta Opina sus La Meva Salut, anonima e orientada ara milhora des servicis, tà comunicar dobtes o planhs sus era vòsta informacion personau de salut.