Avís legal

La Meva Salut complís damb toti es requisits establidi en Reglament (UE) 2016/679 deth Parlament e deth Conselh, de 27 d'abriu de 2016, relatiu ara proteccion des persones fisiques en çò que hè ath tractament de dades personaus e ara liura circulacion d'aguestes dades.

Tanben auetz era possibilitat de conéisher, des dera pestanha Dades personaus, en apartat "Equip d'atencion primària" der apartat "Accèssi", quini centres e quines dades s'an consultat dera vòsta istòria clinica compartida.

Per defècte se mòstre era informacion deth darrèr mes, mès damb eth boton Mostra tot s’accedís a totes es consultes des darrèrs dus ans.

Tèrmes e condicions d’usatge

Aguestes condicions regulen er accès e usatge de La Meva Salut (d’ara endauant, LMS), atau coma es contenguts que se mòstren o meten a disposicion des persones usatgères de LMS, autant ena version desvolopada entà navegadors web, coma ena version entà app installabla en dispositius mobils, e s’a d’aplicar sense prejudici d’aqueres autes condicions particulares eventuaus qu’er usatgèr o usatgèra accèpte.

LMS ei un espaci personau de salut digitau que permet ara ciutadania de Catalunya major de 16 ans, accedir ara informacion de salut, hèr consultes as professionaus e realizar tramits de manèra senzilha.

Eth responsable de LMS ei eth Departament de Salut, damb demorança ena travessera de les Corts, 131-159 - pavelló Ave Maria, 08028 Barcelona. Podetz contactar damb era Delegacion de Proteccion de Dades per corrèu (dpd@ticsalutsocial.cat).

Accès a LMS

Se pòt accedir a LMS des deth web https://lamevasalut.gencat.cat e tanben descargant-se era app. Entà accedir a LMS ei de besonh:

  • Auer 16 ans o mès
  • Auer targeta sanitària individuau
  • Auer-se dat d’alta e identificar-se mejançant ua contrasenha personau o disposar d’un certificat digitau (ara app s’accedís damb contrasenha)

Tanben se pòt accedir a LMS de hilhs e hilhes menors de 18 ans e des persones des quaus se sigue responsable legau. Des 16 as 18 ans cau compdar damb era autorizacion entà accedir ar espaci personau deth o dera menor, dat qu’era majoria d’edat sanitària comence tàs 16 ans.

Accedir damb contrasenha
Tà accedir damb contrasenha a LMS se pòt demanar des deth formulari web e enes centres d’atencion primària (CAP). Cau disposar des dades dera targeta sanitària individuau e deth document identificatiu (eth DNI o document equivalent).

Entà dar-se d’alta en LMS cau facilitar un telefòn mobil e disposar d’ua adreça electronica a on recéber es notificacions relatives ath procès d’alta e ara renauida de contrasenha. Tanben s’utilizen aguestes dades entà hèr-vos arribar des de LMS es notificacions des servicis de salut.

Era contrasenha personau, eth còdi d’usatgèr (DNI, NIE o document identificatiu personau) e eth CIP (còdi d’identificacion personau que trobaratz ena targeta sanitària) son es vòstes claus entà accedir autant ara web coma ara app dera LMS.

Accedir damb certificat digitau

Eth certificat digitau ei un document electronic que garantís era seguretat e confidencialitat ena accessibilitat as dades. Se pòt accedir ath web https://lamevasalut.gencat.cat damb certificat digitau. Ena app sonque se pòt accedir damb usatgèr e contrasenha.

LMS admet es certificats digitaus de totes aqueres entitats de certificacion que siguen classificades peth Consorci d'Administració Oberta de Catalunya coma valides entà identificar as ciutadans e empreses dauant des administracions publiques catalanes.

Accès a menors e tutelats

Es pares, mares o responsables legaus de persones pòden demanar er accès a LMS des sòns hilhs menors de 18 ans e des tutelats. Des 16 as 18 ans cau compdar damb era sua autorizacion entà accedir ar espaci personau deth o dera menor, pr’amor qu’era majoria d’edat sanitària comence tàs 16 ans.

Cau qu’es adults dispòsen d’accès en sòn espaci en LMS abans de demanar era alta entà accedir a LMS des menors. Era peticion ei individuau e l’a de hèr personaument eth pare, mare o tutor des de LMS e, en cas de besonh, de manèra presenciau en CAP.

Cau acreditar era documentacion següenta:

  • Era vòsta targeta sanitària individuau (TSI)
  • Eth vòste DNI o document acreditatiu
  • Era targeta sanitària individuau (TSI) dera persona de qui sollicitetz er accès
  • Eth libre de família o certificat literau de neishement (en cas des hilhs) o era documentacion legau originau que vos acredite coma responsable legau.

Un viatge disposetz d’accès a un aute espaci personau en LMS a mès deth vòste, en accedir-i poderatz seleccionar se voletz entrar ena vòsta o en LMS des vòsti hilhs o persones des quaus ètz responsable.

Rebrembatz que quan entretz en LMS deth hilh o hilha entratz en sòn espaci personau e actuatz en sòn nòm.

Registre d’accèssi

D’acòrd damb er objectiu deth Reiau decret 311/2022, de 2 de mai, peth quau se regule er Esquèma nacionau de seguretat, normativa associada e damb plees garanties deth dret ar aunor, ara intimitat personau e familiau e ara pròpria imatge des afectats, e d'acòrd damb era normativa sus proteccion de dades personaus, de foncion publica o laborau, e d’autes disposicions que resulten d'aplicacion, se registren es activitats des usatgèrs, retenguent era informacion estrictament de besonh entà monitorar, analisar, investigar e documentar es activitats indegudes o non autorizades, permetent identificar era persona qu’actue en cada moment.

Tanben, tà pr’amor de preservar era seguretat des sistèmes d'informacion, garantint era rigorosa observança des principis d'actuacion des administracions publiques, e de conformitat damb çò que se dispòse en Reglament generau de proteccion de dades e eth respècte as principis de limitacion dera finalitat, minimizacion des dades e limitacion deth tèrme de conservacion aquiu enonciats, eth Departament de Salut ena mesura estrictament de besonh e proporcionada, pòt analisar es comunicacions entrantes o gessentes, e unicament entàs finalitats de seguretat dera informacion, de manèra que sigue possible impedir er accès non autorizat as hilats e sistèmes d'informacion, detier es atacs de denegacion de servici, evitar era distribucion mauintencionada de còdi nociu, atau coma d’auti danhs que poguen afectar as hilats e es sistèmes d'informacion.

Accessibilitat

Eth Departament de Salut s’a comprometut a hèr accessibles es sòns webs e aplicacions mobiles de conformitat damb eth Reiau decret 1112/2018, de 7 de seteme, sus accessibilitat des lòcs web e aplicacions entà dispositius mobils deth sector public.

Era presenta declaracion d’accessibilitat s’aplique a LMS ena version desvolopada entà navegadors web, atau coma ena version entà app installabla en dispositius mobils damb eth sistèma operatiu iOS e Android.

Proprietat intellectuau e industriau

Eth Departament de Salut ei era entitat titulara de toti es drets de proprietat industriau e intellectuau relatius a LMS. Era sua denominacion, atau coma d’auti signes distintius qu’apareishen en LMS, son proprietat exclusiva deth Departament de salut e demore proibida era sua utilizacion per part de tercères persones que non agen autorizacion exprèssa per part deth Departament de Salut.

Mejançant es presentes condicions d'usatge, eth Departament de Salut, coma proprietari de LMS, concedís ara persona usatgèra ua licéncia non exclusiva, limitada, temporau, revocabla, d’encastre territoriau mondiau e non sublicenciabla entara utilizacion de LMS, es sues foncionalitats e es sòns contenguts.

Ne LMS, ne eth sòn contengut, pòt èster copiat, reprodusit, distribusit o utilizat entara creacion de trebalhs aliens ad aguesta sense eth consentiment explicit e per escrit deth Departament de Salut.

Condicions d'usatge

Er usatge de LMS implique er aqueriment dera condicion d’usatgèr e era acceptacion des condicions d’utilizacion que se detallen ara seguida:

  1. Era utilizacion de LMS ei conforme ara lei, ath present avís legau e as condicions particulares que li poguen èster d’aplicacion. En cas d’incompliment per part der usatgèr, era entitat se resèrve er exercici des accions legaus oportunes, atau coma eth dret a restringir er accès a LMS.

  2. Ar efècte de çò que se dispòse enes presentes condicions d'usatge, s'enten coma contengut es tèxtes, dessenhs, indèxs, formes, fotografies, videos, àudio, imatges, informes, opinions e, en generau, quaussevolha informacion capaça de reprodusir-se, distribusir-se e transformar-se mejançant LMS.

    Eth plaçament de quaussevolh document, tèxte, imatge, video o informacion ei responsabilitat exclusiva de qui ac hèsque. S'enten que, peth solet plaçament d'un document, tèxte, imatge, video, àudio o quaussevolha auta informacion, qui l’age facilitat renóncie ar exercici de drets inerents ara proprietat que podesse corresponer-li sus era documentacion o informacion plaçada.

    Igualment, a d'entener-se qu’eth plaçament de documents, tèxtes, imatges, video, àudio o quaussevolh auta informacion qu’age reconeishuda ua proprietat intellectuau o industriau, en contra dera volontat des sòns autors e autores, ei tostemp exigible respècte de qui hèsque era accion contrària ath regim de proprietat que correspongue.

    En aguest cas, eth Departament de Salut se resèrve eth dret de méter en coneishement e collaborar damb es autoritats competentes, se detectèsse quaussevolh infraccion dera legislacion vigenta o s’auesse constància de quaussevolh actuacion illicita, podent esfaçar e/o eliminar de LMS es contenguts que dèssen lòc ad aguest hèt.

  3. Eth Departament de Salut met LMS ara disposicion des persones usatgères, e assumís exclusivament era responsabilitat derivada dera diligéncia que li podesse èster exigible per lei. En conseqüéncia, non assumís cap de responsabilitat, ja sigue dirècta o indirècta, derivada deth mau usatge o der usatge fraudulent o illicit qu’amien a tèrme es persones usatgères de LMS.

    Eth Departament de Salut pòt limitar eth magasinatge, publicacion, distribucion o comparticion en LMS de contenguts, comentaris o opinions que poguen èster considerats difamatòris, racistes, sexistes, xenofòbs, discriminatòris, pornografics, violents o que, de quaussevolh manèra, contrarien era morau, er orde public o es bones costums, resulten clarament illicits o illegaus o, en definitiva, resulten aliens ara finalitat de LMS.

    Eth Departament de Salut pòt suspéner o cancellar er accès des persones usatgères, en cas d’incompliment d’aguestes condicions d’usatge, sense dret a indemnizacion.

  4. Es persones usatgères son obligades a hèr un usatge rasonable de LMS, de conformitat damb era finalitat entara quau s'a creat e son es uniques responsables des contenguts de quaussevolh tipe que compartisquen a travès de LMS. Demoren proïbits es enlaci des de planes difamatòries, pornografiques, racistes, xenofòbes o qu’aufrissen informacion faussa sus era entitat o quaussevolh des sòns collaboradors.

    Es persones usatgères son es uniques responsables de custodiar es sues claus d'accès, atau coma deuant des possibles prejudiciats pes maus e/o damnatges que se poguen ocasionar en Departament de Salut e/o a tresaus persones pr’amor d'un usatge non autorizat d'aguestes.

    Es persones usatgères qu’ac considèren oportun an era possibilitat d'informar ath Departament de Salut d'aqueri contenguts, comentaris e persones usatgères que poguen vulnerar aguestes condicions d'usatge. En cas que se compròve era veracitat d'aguestes denóncies, eth Departament de Salut pòt actuar segontes çò que s'establís enes paragrafs anteriors.

  5. Eth Departament de Salut se resèrve eth dret de revisar e modificar es presentes condicions d'us en quaussevolh moment, entre d’autes, per motius legaus, tecnics o per cambis en LMS.

  6. LMS demore sosmetuda ad aquerò qu’a establit era legislacion espanhòla. Es tribunaus de Barcelona son es competents entà conéisher quaussevolh conflicte que pogue nèisher dera utilizacion de LMS.