Tornar

eConsulta

Er eConsulta ei  un servici d’atencion non presenciau que s’aufrís a travès de La Meva Salut e que permet enviar consultes as professionaus de salut de manèra segura e confidenciau, en quainsevolh moment deth dia e des de quinsevolh dispositiu. Tanben s’i pòden adjúnher documents o imatges.

En aquerò que hè ara atencion primària, cada equipa dispòse d’un canau d’eConsulta que permet era comunicacion en andues direccions. Atau, a mès de respóner es consultes, es professionaus pòden hèr a servir eth sòn canau tà comunicar-se damb es pacients e enviar-les informacion. Cau rebrembar qu’es consultes se responen d’acòrd damb era disponibilitat e era organizacion dera agenda deth professionau.

Important: Er ’eConsulta non ei un servici entà atier situacions urgentes ne entà aufrir ua responsa immediata. En cas d’urgéncia, cau contactar damb eth 061 Salut Respon o adreçar-se ath centre d’atencion primària (CAP), a un centre d’urgéncies d’atencion primària (CUAP) o ath servici d’urgéncies espitalàries. Entà gestionar baishes laboraus, cau adreçar-se dirèctament ath CAP.

 

Canaus d’eConsulta

Er ’eConsulta daurís un canau de comunicacion damb cada servici o especialitat qu’aten ara persona. D’un costat, i é eth canau d’atencion primària e, der aute, es canaus dess especialitats qu’an acordat utilizar aguest servici entà comunicar-se damb eth pacient.

 

1. eConsulta d’atencion primària

Aguest canau facilite era comunicacion damb es professionaus dera equipa d’atencion primària (EAP) e permet enviar consultes as professionaus de medicina de família, pediatria, infirmeria o atencion ara ciutadanetat, entre d’auti servicis. A despiet de  qu’era màger part  des centres d’atencion primària aufrissen eth servici d’eConsulta, pòt èster que  quauques equipes encara non l’agin activat.

En quauqui casi, eth professionau de salut pòt desactivar temporaument eth sòn canau d’eConsulta se non pòt atier consultes pendent un periòde de temps determinat, per exemple, per abséncia o per motius organizatius deth centre.

A travès deth canau d’eConsulta d’atencion primària, a mès de hèr a arribar es consultes as professionaus, se pòden sollicitar diuèrsi informes e certificats, com:

  • informe de salut
  • certificat de situacion de nauta en Registre centrau de persones assegurades (RCA)
  • sollicitud de transpòrt sanitari non urgent (a travès deth motiu Tramitacions administratives)
  • informe de dependéncia energetica (DE) e deteccion de risc de praubesa energetic

    • Entà enviar ua consulta d’atencion primària, cau sarrar eth boton Hèr ua naua consulta e seguir es passi següents: 

      1. Seleccionar eth canau (eConsulta d’atencion primària).
      2. Escuélher eth motiu dera consulta.
      3. Seleccionar eth servici o professionau que correspone. Era disponibilitat des professionaus assignats dera equipa d’atencion primària entà atier consultes a travès d’eConsulta pòt variar segontes eth centre. Ei possible que quauqui professionaus non agen eth canau d’eConsulta actiu.
        • Se se modifique eth motiu pendent eth procès, cau tornar a trigar eth professionau ath quau s’adrece era consulta.
        • Se ja i a ua consulta dubèrta damb eth servici o professionau trigat, cau continuar-la en  madeish hiu de convèrsa.
        • S’eth professionau ei absenta (e non s’a establit cap de substitut) o eth servici se tròbe barrat, se mòstre un messatge d’avís e non ei possible hèr ua consulta enquia que se torne a daurir. En aguest cas, cau adreçar-se ath centre de salut o trucar ath 061 Salut Respon.
      4. Escríuer eth messatge damb era informacion relevanta.
      5. Adjúnher archius, se cau (com documents o imatges). Es archius adjunhuts an d’auer format BMP, GIF, PNG, JPG, TIF o PDF e un pes maxim de 5 MB.

    • Quan s’envie ua consulta, se daurís ua convèrsa entre eth pacient e eth professionau. A  viatges, quan eth professionau respon era consulta o quan recep era responsa d’aquerò qu’age preguntat ath pacient, eth tèma pòt èster resolvut e decidís barrar era  convèrsa. D’auti viatges, eth professionau manten era  convèrsa dubèrta tà  qu’eth pacient pogue incorporar-i mès messatges. Un viatge eth professionau barre era  convèrsa, ja non s’i pòden híger mès messatges. Se cau tornar a consultar sus eth madeish tèma o sus un de nau, cau iniciar ua naua consulta.

    • Era lista de consultes deth canau d’atencion primària s’ordene cronologicament, des  mès recentes as mès antiques. Laguens dera lista, es convèrses qu’an tmessatges pendents de lectura se destaquen damb un hons blu clar e ua icòna identificativa.

      Entà facilitar-ne era consulta, se pòt cambiar era orde de visualizacion (de mès antic a mès recent) e aplicar filtres segons:

      • eth professionau damb qui s’a contactat
      • eth motiu dera consulta
      • ua paraula clau

      Cada convèrsa da accès ath hiu de messatges escambiats entre er usatgèr e eth professionau de salut. Es messatges qu’encara non s’an liejut se mòstren en blu entà facilitar-ne era identificacion.

      Entà veir es messatges pendents de liéger o consultar messatges anteriors, cau seleccionar era convèrsa especifica. Un viatge dubèrta, se mòstre tot er escambi de messatges en orde cronologic.

    • Es consultes se pòden enviar en quinsevolh moment e se responen segons era disponibilitat e era organizacion dera agenda deth professionau, de manèra qu’era comunicacion non ei immediata e non foncione coma un chat.

    • Quan un professionau respon o envie un messatge a travès der eConsulta, La Meva Salut mòstre ua notificacion ar usatgèr. Totes es notificacions se pòden consultar a Notificacions recebudes deth menú Perfil.


       

      A mès, tanben se pòden recéber per corrèu electronic, tostemp que s’age activat aguesta opcion e s’age indicat ua adreça electronica de contacte. Se s’a installada era aplicacion de La Meva Salut e s’an activat es notificacions en dispositiu mobil, tanben arribaràn coma messatge emergent (notificacion push).

      Es preferéncies sus es canaus de recepcion s’establissen des dera opcion Gestion de notificacions, que se tròbe en menú Perfil.

    • Toti es fichèrs adjunhudi enviadi e recebudi enes consultes se pòden consultar des deth blòc Fichèrs adjunhudi.

      Ena lista se mòstren toti es fichèrs disponibles damb es dades següentes:

      • data d’enviament o recepcion
      • nòm deth fichèr
      • títol dera  consulta ath quau pertanh
      • servici e professionau destinatari o emissor

      Entà facilitar era cerca de documents, se pòden aplicar filtres segons era informacion disponibla e ordenar era lista cronologicament, de mès recenta a mès antica o ath revès.

2. eConsulta d’autes especialitats

Es centres e es unitats d’atencion especializada pòden utilizar aguest canau entàaufriratencion non presenciau as sòns pacients, autant en prumères visites com enes visites de seguiment. Quan s’a acordat prèviament damb eth professionau, eth centre corresponent active aguest canau entath pacient.

  • Un viatge activat, eth pacient e eth professionau pòden escambiar messatges e documents.
  • Eth canau se barre quan eth professionau da era alta dera especialitat o considère finalizat eth seguiment.
  • Eth pacient pòt decidir en quinsevolh moment renonciar ad aguest sistèma de comunicacion avisant ath professionau de referéncia.