Tornar

Medicacion

Ena seccion Medicacion se mòstren es medicaments, productes dietetics e productes sanitaris qu’eth professionau de salut a prescrit. S’i pòt consultar eth detalh deth medicament o producte, era pauta d’administracion, era durada deth tractament e quan se pòt remassarr ena farmàcia, entre d’autes dades.

Tanben se pòt veir e descargar eth darrèr plan de medicacion, eth document qu’includís toti es medicaments, productes sanitaris e productes dietetics vigenti e que se pòden remassar ena farmàcia quan s’indique.

Ena pantalha, era medicacion se mòstre amassada en diferenti blòcs segontes eth sòn estat de vigéncia. D’un costat, se mòstre era medicacion vigenta, que correspon ath periòde de temps entath quau s’a receptat era medicacion, e dera auta, era medicacion anteriora, ei a díder, era que ja non ei vigenta. En cas de qu’eth professionau age prescrit tanben medicacion entà préner en cas de besonh, aguesta apareish en un blòc especific plaçat jos era medicacion vigenta.

Era medicacion espitalèra de dispensacion ambulatòria (MHDA), ei a díder, es medicaments que prescriu eth mètge o era metgessa der espitau e que se dispensen ena farmàcia espitalèra, non se mòstren peth moment en La Meva Salut.

Dauant de quinsevolh dobte sus un tractament o ua medicacion que s’age prescrit, cau contactar damb eth professional de salut.

Nòta: Es imatges qu’apareishen en aguesta pantalha son exemples orientatius. Es dades, medicaments e periòdes de vigéncia son ficticis e sonque an era finalitat de mostrar com se ve era informacion ena pantalha.

    • Quan se dispòse de plan de medicacion, se pòt descargar eth mès recent. Aguest document includís toti es medicaments e d’auti productes que s’an prescrit e qu’encara se pòden remassar ena farmàcia. Cau auer en compde que cada medicament que forme part deth plan de medicacion pòt auer un periòde de vigéncia diferent.

       

      Quan ja s’a remassat ena farmàcia eth darrèr envàs disponible d’un medicament, o ben a passat era data limit entà remassar-lo, eth medicament dèishe de mostrar-se en plan de medicacion. Totun, tostemp se pòt consultar eth detalh des medicaments o productes vigents enes apartats Medicacion vigenta e Medicacion vigenta en cas de besonh.

      Se ja s’an remassat toti es medicaments o productes deth plan, o se non s’an remassat, mès s’a acabat eth periòde de vigéncia de toti, eth plan de medicacion ja non ei disponible ena pantalha. Es medicaments o productes que ja non son vigents se pòden consultar en apartat Medicacion anteriora.

    • Aguest blòc mòstre toti es medicaments e productes qu’encara son laguens deth periòde de vigéncia qu’eth professionau a indicat. Encara que ja non apareishen en document de plan de medicacion quan ja s’a recuelhut eth darrèr envàs, aguesti se continuen mostrant en blòc Medicacion vigenta mentre siguen laguens deth periòde de vigéncia qu’a establit eth professionau.

      Es medicaments o productes se mòstren ordenats segontes era sua disponibilitat entà remassar-les ena farmàcia e, laguens de cada grop, pera data d’inici de vigéncia, deth mès recent ath mès antic. Entà facilitar-ne era identificacion, es medicaments o productes qu’encara s’an de remassar apareishen damb hons blu clar, mentre qu’es non disponibles (ja recuelhuts o pendents de validar) se mòstren damb hons blanc.

      Exemple de medicacion vigenta. Dades fictícies
      Exemple de medicacion vigenta. Dades fictícies.

      Entà cada medicament o producte se mòstre era informacion següenta:

      • Disponibilitat entà anar a remassar-lo ena farmàcia, que pòt èster ua des opcions següentes:
        • Se pòt remassar ena farmàcia.
        • Se pòt remassar ena farmàcia d'aciu a ‘x’ dies.
        • Se pòt remassar ena farmàcia a compdar deth dia dd/mm/aa: quan manquen mès de sèt dies entà poder anar a remassar-lo.
        • Ja s’a remassat ena farmàcia.
        • Pendent de validar: ei disponible un viatge eth professionau de salut age validat era prescripcion.
      • Nòm deth medicament, producte dietetic o producte sanitari.
      • Periòde de vigéncia indicat peth professionau qu’a hèt era prescripcion.

      Des de cada element dera lista s’accedís ara ficha de detalh de cada medicament o producte qu’eth professionau a prescrit.

    • Aguest blòc mòstre es medicaments e d’auti productes vigents que sonque cau préner quan sigue besonh, seguint es indicacions deth professional de salut. Entà cada medicament o producte se mòstre erra informacion següenta:

      • Disponibilitat entà anar a remassar-lo ena farmàcia, que pòt èster ua des opcions següentes:
        • Se pòt remassar ena farmàcia en cas de besonh.
        • Pendent de validar. Préner en cas de besonh.
        • Ja s’a remassat. Préner en cas de besonh.
      • Nòm deth medicament, producte dietetic o producte sanitari.
      • Periòde de vigéncia indicat peth professionau.
      Exemple de medicacion vigenta en cas de besonh. Dades fictícies
      Exemple de medicacion vigenta en cas de besonh. Dades fictícies.

    • Cada medicament o producte dispòse d’ua ficha damb informacion detalhada. En un prumèr blòc, s’i mòstre era informacion principau: nòm deth medicament, producte dietetic o producte sanitari, disponibilitat entà anar a remassar-lo ena farmàcia, vigéncia dera prescripcion e numèro de prescripcion.

      Ara seguida, era ficha mòstre informacion addicionau organizada enes blòcs desplegables següenti:

      • Qué ei: nòm complèt deth medicament, producte dietetic o producte sanitari, principi actiu, format, tipe de tractament, durada deth tractament e data d’inici e fin dera vigéncia.
      • Com se pren: dòsi, freqüéncia, via d’administracion e es comentaris qu’age podut hèr eth professionau de salut.
      • Professionau que l’a prescrit: nòm complèt, collectiu professionau, còdi identificador, especialitat e centre.
      • Darrèra dispensacion (se s’escatz): nòm deth medicament o producte, data de remassada e farmàcia o lòc a on s’a remassat.
         
      Exemple de ficha deth medicament. Dades fictícies
      Exemple de ficha deth medicament. Dades fictícies.

    • Ena part inferiora dera pantalha, s’i mòstre er accès entà consultar es medicaments, productes dietetics e productes sanitaris que s’an prescrit pendent es darrèrs tres ans e que ja non son vigents. En cas que s’age suspenut ua medicacion qu’encara ère vigent, tanben se mòstre en aguest apartat.

      Es medicaments o productes se mòstren ordenadi pera data d’inici de vigéncia, deth mès recent ath mès antic.

      Exemple de medicacion anteriora. Dades fictícies
      Exemple de medicacion anteriora. Dades fictícies.

      Cada medicament o producte a ua ficha individuau damb informacion sus eth nòm, eth periòde de vigéncia, com s’auie de préner e eth professionau que lo prescriuec, entre d’autes dades.