Medicacion

Podetz consultar eth tractament qu'eth mètge o metgessa vos prescriu e era disponibilitat des propères dispensacions, atau com descargar e imprimir eth Plan de medicacion vigent.

En inici dera pantalha, en apartat descarga, i trobaratz en format PDF eth plan de medicacion vigent.

Era informacion que se mòstre tà cada medicament ei:

• Disponibilitat des dispensacions, ena colomna "propères disp."
• Es dues colomnes següentes permeten obtier mès informacion en format PDF facilitada per Infomed pacientes, Euromedice Ediciones Médicas, SL sus eth medicament especific. Era prumèra icòna la daurís en catalan e, era segona icòna, daurís un selector tà escuélher ua des 6 lengües a on ei disponibla era informacion des medicaments:  espanhòu, chinés, arab, anglés, francés o portugués.
• Medicament o producte sanitari e numero de prescripcion.
• Dades de vigéncia deth tractament.
• Professionau prescriptor, en cas qu'eth centre l'age registrat.
• Data dera darrèra dispensacion.

Ena zòna inferiora dera pantalha, i trobaratz eth vòste nivèu de cobertura e eth tipe d'aportacion economica que vos correspon. Eth nivèu de cobertura ei eth nivèu de prestacions sanitàries qu¿assigne eth CatSalut a cada persona.