CPS-AVIS-COOKIES

Entà facilitar era navegacion e entà milhorar era informacion e es servicis, La Meva Salut utilize cookies pròpris e de tercèrs. Se continuatz navegant, consideram que n'acceptatz er usatge. Entà mès informacion, consultatz era politica de cookies.
 

Glossari

Glossari

Antigèn

Substància reconeishuda coma estranha tar organisme, capabla d'includir en aguest ua responsa immunitària e era produccion d'anticòssi.

Atencion especializada

Atencion que prèste un mètge o metgessa especialista ena consulta extèrna d'un espitau, o ben en un centre d'atencion primària damb especialistes.

La Meva Salut

La Meva Salut ei un espaci digitau personau, de consulta e de relacion, que permet ara ciutadanetat dispausar dera sua informacion personau de salut e de d'auti servicis en linha entà hèr tràmits, consultes e auer cura dera sua salut.

Includís era informacion que s'a generat pera atencion sanitària prestada en quauqui des centres assistenciaus publics, com ara eth plan de medicacion vigent, es vacunes administrades, es diagnostics, es informes clinics e es resultats des pròves e es exploracions complementàries. Aguesta informacion a d'èster publicada pes centres entà qu'es pacients la poguen visualizar e consultar a trauès de La Meva Salut.

Tà garantir era confidencialitat e era seguretat ena accessibilitat as dades cau disposar d'un certificat digitau o d'ua contrasenha que se sollicite en centre d'atencion primària. 

Centre d'atencion primària (CAP)

Lòc a on s'aufrisen es servicis d'atencion primària dera salut.

Certificat digitau

Certificat signat electronicament per un prestador de servici de certificacion que vincule ues dades de verificacion de signatura a un signant e ne confirme era identitat.

Còdi d'identificacion personau (CIP)

Ei eth conjunt de normes (expressades damb numeros e/o letres) que, de forma individuau e univòca, permet identificar cada persona acreditada deth CatSalut. Apareish imprés dessús deth nòm dera persona.

Diagnostic

Determinacion d'ua malautia pes signes o simptòmes que li son pròpris. 

Equipa d'atencion primària (EAP)

Era equipa d'atencion primària ei formada per mètges de familha, especialistes en pediatria e d'odontologia, professionaus d'infirmeria e trebalhadors sociaus e professionaus deth servici d'atencion ath ciutadan

Istòria clinica

Era istòria clinica compren eth conjunt de documents relatius as procèssi assistenciaus de cada pacient, damb era identificacion des mètges e d'auti professionaus que i an intervengut, damb er objectiu d'obtier era maxima integracion possibla dera documentacion clinica de cada pacient.

Istòria clinica compartida de Catalonha (HC3)

Airina deth Departament de Salut a on s'incorpòren es dades mès destacades derivades dera atencion as persones enes centres assistenciaus deth sistèma sanitari public en Catalonha.

Es professionaus sanitaris, damb prealabla acreditacion e autoritzacion, pòden compartir e consultar era informacion der istoriau clinic des persones qu'atien, des des diferenti espitaus, centres d'atencion primària e servicis d'urgéncies e emergéncies.

Disposar d'aguest instrument permet milhorar era qualitat dera atencion, era utilizacion des recorsi, er apoderament des persones, e donc, era eficiéncia deth sistèma sanitari public.

Es persones pòden accedir ad aguesta informacion a trauès de La Meva Salut, a on pòden consultar es documents e informes que s'an publicat en HC3.

Recèpta electronica

Document que receben es persones damb era medicacion prescrita.

Quan eth mètge o metgessa vos prescriu un tractament, vos liure eth Plan de medicacion, ua huelha a on cònste tota era informacion de besonh tà poder continuar corrèctament eth tractament. En Plan de medicacion, i podetz consultar eth nòm des medicaments prescrits, era dòsi e era freqüéncia d'administracion e eth temps previst de durada deth tractament e comentaris s'ac considèren de besonh.

En La Meva Salut podetz descargar eth plan de medicacion vigent e podetz veir era data dera propèra dispensacion, s'auetz recuelhut ja eth medicament e, de cada medicament, podetz consultar mès informacion en catalan, espanhòu, chinés, arab, anglés, francés o portugués.

eConsulta

Era eConsulta ei ua airina de consulta interactiva entre eth ciutadan e es professionaus de salut que complemente era atencion presenciau. Vos permet enviar consultes en quinsevolh moment deth dia e des de quinsevolh dispositiu, damb era possibilitat d'ahíger fichèrs annèxi, documents o imatges. Eth professionau vos responerà en un tèrme maxim de 48 ores en dies laborables e receberatz ua notificacion quan ac hèsque.

Targeta sanitària individuau (TSI)

Era targeta sanitària individuau (TSI) ei eth document qu¿identifique e permet er accès as centres e es servicis deth sistèma sanitari public assignats e ara prestacion farmaceutica finançada peth CatSalut. Facilite era identificacion de forma rapida e corrècta a trauès deth còdi d'identificacion personau (CIP).

Vacuna/immunizacion

Preparat terapeutic que pòt contier microorganismes mòrti o viui atenuats, antigèns derivadi d'agents patogèns o productes antigenics de tumors pròpris, e que s'administre tà potenciar ua responsa immunitària especifica concrèta.

Era immunizacion ei era administracion d'un preparat antigenic obtengut a partir d'agents infecciosi (bactèris, virus o parasits) tà d'indusir ua responsa immunitària especifica, que protegís contra ua determinada malautia infecciosa.