Accès damb còdi d'usatgèr e contrasenha
Entà accedir a La Meva Salut damb usatgèr e contrasenha, cau demanar era inscripcion des deth formulari web o enes centres d'atencion primària (CAP). Se ja disposatz de contrasenha mès non vo'n brembatz o vos a caducat, podetz regenerar-la.
- Demanar era inscripcion a La Meva Salut
- Cambiar era contrasenha
- Regenerar era contrasenha desbrembada
Demanar era inscripcion a La Meva Salut
Entà demanar era inscripcion a La Meva Salut cau auer 16 ans o mès e disposar de:
- Ua adreça de corrèu electronic.
- Un telefòn mobil entà recéber un SMS damb un còdi.
- Eth DNI o document identificatiu.
- Era targeta sanitària individuau (TSI).
Era inscripcion s'a de demanar des deth formulari web o enes centres d'atencion primària (CAP).
Un còp sollicitada era inscripcion, receberatz un corrèu electronic damb instruccions e un ligam ena plana a on vos auetz de crear era contrasenha. Auetz de seguir aguesti passi:
- Introdusitz eth còdi d'usatgèr (eth vòste DNI o document identificatiu).
- Creatz-vos era contrasenha de 8 digits coma minim (a de contier, aumens, ua letra majuscula, ua minuscula e un numèro). En cas que non sigue atau, eth sistèma vos avisarà qu'eth format ei incorrècte.
- Introdusitz tanben eth còdi qu'auratz recebut per SMS en telefòn mobil. A ua validitat de 4 dies.
S'an passat mès de 4 dies des de que recebéretz aguest corrèu electronic e er SMS e non auetz creat era vòsta contrasenha, l'auratz de regenerar.
Cambiar era contrasenha
Era contrasenha que vos auetz creat a ua durada d'un an e eth sistèma vos avisarà quan sigue apròp era data de caducitat entà qu'en creetz ua de naua. Se ja s'a passat eth tèrme d'un an, quan entretz en La Meva Salut vos demanarà que la cambietz.
Entà hè'c, auetz de clicar dessús deth ligam "Cambiar era contrasenha", que se tròbe ena pantalha "Dades personaus".
Regenerar era contrasenha
Podetz regenerar era contrasenha personau d'accès a La Meva Salut enes casi següents:
- Se ja disposatz de contrasenha e non la rebrembatz.
- S'era contrasenha vos a caducat.
- Se non l'arribèretz a crear quan recebéretz eth corrèu electronic e eth còdi PIN per SMS.